انتشر في الآونة الأخيرة أذانٌ بصوت سحر القلوب والآذان .. صوت ملئ بالشجن صوت جمع بين المهابة والجلال والجمال والابتهال .. وهو لقارئ ومؤذن أردني من محافظة اربد الأردنية انتشر هذا الصوت وخاصة المقطع الذي فيه النداء للصلاة (حي على الصلاة) وأصبح (تريند) على التيك توك ومنصات التواصل الاجتماعي حتى أسماه الناس ب(أذان يوم القيامة) أو (كأنه أذان لآخر صلاة على الأرض) لما فيه من الشجن كأنه ينادي من أعماق قلبه أفيقوا .. إنها آخر صلاة لكم .. هيا (حي على) النداء لكم أنتم أيها الغرقى في النوم العميق. اسم المؤذن: محمد جازي عبدالله.
للي عايز يواظب على الصلاة !!
البوست دا كتبه من أكثر المنشورات اللي لقت قبول على فيسبوك كتبه شخص ثم توفّاه الله
بنشره وبطلب منكم تنشروه ، عشان يوصله ثواب كل حد هينتفع بالكلام دا .. وتبقي حسنات جارية .. جزاكم الله خيراً ..
البوست :
طب واللي عايز يواظب على الصلاة؟
كام خطوة كده تعملهم أسبوعين أو تلاتة وان شاء الله مواظبتك تزيد بشكل ملحوظ..
أول حاجة ترَقبّ أوقات الصلاة.. قبل مايأذن روح إتوضى .. ده ثواب لوحده أصلاً .. بالإضافة لـ إنه لما يأذن وتكون جاهز وعلى وضوء هتتشجع أكتر بكتير إنك تصلي على طول
صلاتك على وقتها ليها ثواب أكبر وأكمل ..
ده غير إنك كده بتعالج أهم المشاكل وهي التسويف والتأجيل والتأخير..
هتلاقي نفسك خلصتها بدري فـ كانت خفيفة على قلبك وماحسيتش بـ أي تقل.
حاجة كمان
ماتصليهاش كده وخلاص . خليها معاد فضفضتك مع ربنا
قسّم السجدات .. أول سجدة مثلا اشتكي لربنا من حاجة حصلت معاك ف يومك ..فضفضله هترتاح ..وجايز فضفضتك دي تكون هي سبب ف الحل الي ربنا يبعتهولك بعدها
تاني سجدة إشكره على حاجة ف يومك.. خلي أحداث يومك مُرتبطة بكلامك مع ربنا ف الصلاة عشان تبقى دايماً متجددة فتبقى إنت دايماً مشتاق تروح تصلي وتتكلم وتحكي وتفضفض
تالت سجدة إدعي لنفسك بكل اللي تتمناه ف يومك .. وإختم دعائك بحاجات تتمناها ف آخرتك .. من رضا ربنا و دخول جنته بلا حساب أو سابقة عذاب وإن ربنا يهديك ويهدي بيك ويرزقك الإخلاص ويتقبل منك ويعينك ويقويك على كل اللي يرضيه عنك .. وهكذااا
آخر سجدة خليها دعوات لحبايبك .. شوفت واحد صاحبك النهاردة مهموم مثلاً .. إدعيله بتفريج الهم ، شوفت صاحبك التاني بيغلط.. إدعيله بالهداية .. وهكذااا.. حتى الدعوات دي لما تخليها مرتبطة بتفاصيل يومك هتساعدك تشتاق للصلاة أكتر وتستناها عشان تدعي بيها وتحل أمور يومك كلها من خلالها..
وإختم ده كله بدعوات كتير إن ربنا يرزقك المواظبة على الصلاة ويتقبّل منك ويعينك على نفسك وعلى الشيطان ويوهبك التعلّق بالصلاة حد الإدمان
حاجة أخيرة .. كل يوم إحفظ خمس آيات .. إقرأ بيهم في الخمس صلوات ..حبيت تقرأ بآية واحدة كل صلاة.. او تقرأهم كلهم في كل صلاة ..براحتك
المهم إنك كده هتضرب تلات عصافير بطوبة واحدة
أولاً هتحفظ كل يوم قرآن جديد .. وتحمي نفسك من هجر القرآن.. بالعكس دا انت ممكن تتفكرّ في الآية وتحس إنك أول مرة تفهمها لما تقرأها لوحدها كده وتركز فيها عشان تحفظها..
ثانياً هتساعد نفسك على التركيز ف الصلاة .. لإنك بتسمّع حاجة جديدة .. لازم تبقي مركز تماماً عشان ماتغلطش ، فـ مفيش سرحان مع التركيز
ثالثاً هتستنى الصلوات عشان تسمّع فيهم .. هتدوّر عليهم عشان تتأكد من حفظك وعشان إنت دوقت وجربت إحساس هاايل هو حفظ القرآن والتركيز ف الصلاة في نفس الوقت
ربنا يرزقكم الثبات ويزيدكم مواظبة على الصلوات و يوهبكم من عنده حُب وقُرب يااارب
#صلّوها_حُبا_وفرضًا
تعليقات