سؤال لازم تسأله لنفسك : أنا إيه اللي جابني هنا ؟!
أسئلة لازم تسألها لنفسك .. وتفكر فيها ..
 إيه المهمة اللى لما نتمها نبقى كدة إسمنا عملنا المطلوب مننا هِنا؟! بسم الله .. قال تعالي بعد أعوذ بالله من الشيطان الرجيم ( وما خَلقتُ الجِنّ والإنس إلا لِيَعبُدون ) وقال تعالي ( وإذ قال ربك للملائكة إني جاعل في الأرض خليفة قالوا أتجعل فيها من يفسد فيها ويسفك الدماء ونحن نسبح بحمدك ونقدس لك قال إني أعلم ما لا تعلمون ) #سورة_البقرة وقال تعالي ( وهو الذي جعلكم خلائف الأرض ) #سورة_الأنعام وقال ( ويجعلكم خلفاء الأرض ) #سورة_النمل وقال ( ولو نشاء لجعلنا منكم ملائكة في الأرض يخلفون )#سورة_الزخرف يبقي إحنا الغاية الوحيدة إننا مخلوقين لعبادة الله وحده ومن العبادة إعمار الأرض وخلافة الله في أرضه .. وعشان تبقي خليفته في أرضه .. شوف ربنا ميزك بإيه وأستخدمه في إعمار الأرض .. أكيد فيك ميزة عن كل اللي حواليك .. زي ما لك بصمة مش بيشاركك فيها حد ! وعشان تكون خليفته في أرضه .. خد من صفات رحمته .. وعشان تاخد من صفاته .. تقرب إليه بصفاتك كعبد له سبحانه .. فلو تقربت إلي الله بذلك أعزك .. ولو تقربت إليه بفقرك أغناك .. ولو تقربت إليه بضعفك قوّاك .. ! :) - هيُثار في ذهنك سؤال .. طب هو يعني ربنا خلقنا عشان يبتلينا ؟ أقولك تخيل إنك ما أتخلقتش أصلاً .. رجعت للعدم .. أحسن ؟ ولا أنه يوجدك ويبتليك ويعلمك ويهديك لرحمته ويدخلك جنته إللي هي نعيم أبدي لا عين رأت ولا أذن سمعت ولا خطر علي قلب بشر .. اللي الدنيا بالنسبة لها لو كلها نعيم مش هتيجي قطرة في محيط ما .. !! ربنا بيقول : ( هّلْ أتَي علَي الإنسانِ حِينٌ مِّن الدَهرٍ لَمْ يكُنْ شَيئاً مَذكوراً .. ) إستفهام جوابه : لقد أتي علي الإنسان حينٌ من الدهر لم يكن شيئاً مذكورا .. فأنعمنا عليه بنعمة الإيجاد .. لم يكن له ذكر قبل ميلاده .. .. فلماذا ينسي نفسه .. وينسي حق ربه .. وينسي أنه مخلوق مثله مثل باقي البشر .. #تدبر ! - طب هو ربنا خلقنا عشان يبتلينا ؟!! ( إِنَّا خَلَقْنَا الإِنسَانَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَاهُ سَمِيعًا بَصِيرًا ) كل إنسان خلقه الله لابد وأن يُبتلي .. لازم يمر بإختبارات وإبتلاءات في الدنيا .. إداك سمع وبصر وتمييز .. وإداك حرية تختار بعد ما بينلك طريق الحق وطريق الضلال .. إداك حرية تختار بينهم .. عشان تتحمل العاقبة والجزاء خلود في النعيم أو في العذاب الأليم ! - إيه بقي المهمة اللي لما تعملها تبقي عملت المطلوب منك هنا ! ؟ قال تعالي ( قُل إن صلاتي ونُسُكي ومحيايَ ومَماتي لله رب العالمين ) أنت حياتك كلها لله .. ومهمتك عبادته وخلافته في الأرض وإعمار أرضه بما وهبك وأنعم عليك وميزك عن كثير من العالمين .. مهمتك ما بتخلصش لحد ما تموت .. وربنا سبحانه وتعالي قال ( وأعبُد ربك حَتي يأتيك اليقين ) ! :) -ربنا ما خلقناش عشان ينكد علينا أو نعيش في نكد وهم وحزن .. بالعكس لو لاقيت في مواضع كثيرة من القرآن هتلاقي ربنا بيقول ( ألا إن أولياء الله لا خوف عليهم ولا هم يحزنون ) .. وفي موضع أخر ( إن الذين قالوا ربنا الله ثم استقاموا تتنزل عليهم الملائكة ألا تخافوا ولا تحزنوا وأبشروا بالجنة التي كنتم توعدون ) .. فـ إنت وأنا وكل عباد الله مخلوقين للسعادة ليس للشقاء .. وإنما الدنيا مرحلة إختبار .. وإبتلاء .. ولو عرفت إنك مخلوق للسعادة والنعيم الأبدي في الجنة هتحس إنك مكرم وهتعرف إن ربنا تفضل عليك بخلقك وإيجادك من العدم ! :) ♥ #إسأل_نفسك #حدد_هدفك #ضع_بصمتك #كن_خليفة_الله_في_الأرض ! :) |
~
#فادي_شوقي
#fadyshawkey
تعليقات